སོམ་གཞིག

 『 ན་བུན་གྱིས་བསྒྱུར།』

སོམ་གཞིག 

ལྷ་ཡུལ་ལ་འབོད་པ་ཞིག་མེད་པར་སོམས་ཤིག
སོམ་གཞིག་གྱིས་དང་། ཧ་ཅང་སླ་སྟེ།
མི་ཚང་མ། དེ་རིང་གི་ཆེད་དུ་འཚོ་བར་སོམས་དང་།
མགོ་ཐོག་གི་ནམ་མཁའ་ལས།
ང་ཚོའི་རྐང་འོག་ན་དམྱལ་ཁམས་མེད།

མེས་རྒྱལ་ལ་འབོད་པ་ཞིག་མེད་པར་སོམས་ཤིག
དེ་དཀའ་མོ་ཞིག་ལར་ནས་མ་ཡིན།
མི་ཚང་མ། ཞི་བདེ་ངང་འཚོ་བར་སོམས་དང་།
ཅི་ཞིག་གི་ཆེད་དུ་སུ་ཞིག་འཆི་དོན་མེད་ལ་གསོད་དོན་ཡང་མེད་ཅིང་།
ཆོས་ལུགས་ལ་འབོད་པ་ཞིག་གདོད་ནས་མེད།

བདག་འཛིན་ལ་འབོད་པ་ཞིག་མེད་པར་སོམས་ཤིག
དེ་ཡ་མཚན་ཞིག་ཁྱོན་ནས་མ་ཡིན།
མི་ཚང་མས། འཇིག་རྟེན་ཐུན་མོང་དུ་སྤྱོད་པར་སོམས་དང་།
ཚང་མ་སྤུན་གྲོགས་ཡིན་པས།
ཧམ་སྲེད་དང་དཀྲེས་ལྟོགས་མྱོང་དོན་མེད།

བདག་གིས་རྨི་ལམ་གཏོང་གིན་འདུག་སྙམ་ན།
མི་ཡུལ་གྱི་རྨི་ལམ་གཏོང་མཁན་བདག་གཅིག་པུ་མིན་སྙམ།
བདག་གིས། ཉིན་ཞིག་ཁྱོད་ཀྱང་ལྷན་འཛོམ་ཡོང་བར་སྨོན་ཞིང་།
དེ་དུས་ཁྱེད་ཀྱིས། གོ་ལ་ཧྲིལ་བོ་གཞིས་ཁྱིམ་གཅིག་ཏུ་ཚོར་ངེས།

ཇོན་ལི་ནོན་(John Lennon 1940 - 1980)ནི་དབྱིན་ཇིའི་གཞས་ཚིག་དང་དབྱངས་རྩོམ་མཁན། རོལ་མོ་བ་དང་གླུ་བ་གྲགས་ཅན་ཞིག་རེད། ལོ་ན་ཆུང་དུས་ནས་རོལ་དབྱངས་དང་གླུ་གཞས་སྒྱུ་རྩལ་གྱི་ལམ་དུ་ཞུགས་ཤིང་། ཕྱི་ལོ་༡༩༦༠ ལོར་བྷི་ཏལ་(The Beatles)རོལ་ཚོགས་གསར་འཛུགས་གནང་རྗེས། ཁོང་ནི་དུས་རབས་ཉེར་གཅིག་པར་འཛམ་གླིང་སྒང་གི་རྒྱ་ཆེའི་ལྟད་མོ་བས་དགའ་བསུ་ཆེན་པོ་ཐོབ་པའི་གླུ་གཞས་སྒྱུ་རྩལ་པའི་གྲས་དང་། རོལ་ཚོགས་མཉམ་སྡེབ་ཀྱི་ཆེད་སྒྲིག་གླུ་གཞས་ཁག་ནི་རོལ་དབྱངས་སྒྱུ་རྩལ་གྱི་ལོ་རྒྱུས་ཁྲོད་ནས་འཛམ་གླིང་སྟེང་ཤུགས་རྐྱེན་ཆེ་ཤོས་ཀྱི་གྲས་སུ་བཞེད།

རང་ལོ་༢༨ སྟེང་ཉི་ཧོང་གི་གློག་བརྙན་འཕྲིན་གྱི་བར་འཇུག་རི་མོ་བ་དང་ཞི་བདེ་དོན་གཉེར་བ། གཞས་ཚིག་རྩོམ་པ་པོ་དང་གླུ་མ་གཡུ་ཁོ་ཨོ་ནོ་(Yoko Ono)དང་གཉེན་སྡེབ་ནས་ཁྱིམ་ཐབས་བཟུང་ཞིང་། གླུ་གཞས་འཁྲབ་སྟོན་ལ་བརྟེན་ནས་འཚོ་བ་རོལ། རང་ལོ་༤༠ སྟེང་ཁོང་གིས་ཆེད་སྒྲིག་<<ཉིས་སྡེབ་འཆར་ཡན་>>(Double Fantasy)རྩོམ་སྒྲིག་གནང་བཞིན་པའི་གླགས་དང་བསྟུན་ནས་གཞན་གྱི་ལྐོག་གསོད་ཐེབས། ཁོང་གི་གསར་རྩོམ་རོལ་དབྱངས་དང་གླུ་གཞས་ཁག་ལ་འཛམ་གླིང་དམག་ཆེན་གཉིས་པའི་སྐྱོ་གར་དང་དེའི་ཤུགས་རྐྱེན་ཟབ་མོ་ཐེབས་པར་སྨྲ། 

གླུ་གཞས་གཙོ་བོ་<<སྐད་ཅིག་གི་ལས་དབང་>>(instant karma!) དང་། <<སོམ་གཞིག>>(Imagine)། <<ཞི་བདེའི་གོ་སྐབས་སྩོལ་རོགས་>>(Give Peace a Chance)། <<དམག་འཁྲུག་རྫོགས་སོང་། ཡི་ཤུའི་འཁྲུངས་སྐར་བསུ་>>(Happy Xmas (War is over)སོགས་འདུག