<<བསུབས་པའི་འཇིག་རྟེན།>>(The Deleted World)
『རྩོམ་མཁན་ཊི་རན་སི་ཊོ་མེར། སྒྱུར་མཁན་ན་བུན།』
༡
ཟླ་བཅུ་བའི་འཁྱུག་བྲིས།
འདྲུད་འཐེན་གྲུ་གཟིངས་ལ་གཡའ་དང་བཙའ་ཆགས་ནས། འགུལ་རྒྱུ་མི་འདུག རྒྱང་རིང་གི་སྐམ་སར་བསྐྱོད་ནས་ཅི་ཞིག་བགྱི་རྩིས་ཡིན་ནམ། དེ་ནི། འཁྱག་རླུང་གིས་གཟིམས་པའི་ལྕགས་རྐོང་ལྕི་མོ་ཞིག་རེད།
དེ་ལྟ་ནའང་། ནགས་ཚལ་ལྗང་མདོག་གིས་བརྟས་འདུག དེ་ནི་འགྲུལ་བ་སུ་ཞིག་ཕར་ངོགས་ནས་ཚུར་ངོགས་ལ་བསུ་བའི། རང་དབང་གི་གསང་བརྡ་ཡིན།
ཕྱིར་ལོག་པའི་ལམ་དུ། ངས་ནི། རྩྭ་གསེང་ན་གསོན་ཤུགས་རྒྱས་པའི་ཤ་མོ་མཐོང་བྱུང་།
ཉིང་ལག་བརྐྱངས་ཏེ། སུ་ཡི་དཔུང་གཉེན་ལ་འཁྲེང་འདུག
ར་ལག་དཀར་པོ་དེ་དག ཡང་སྙིང་ས་འོག་ཏུ་ངུ་ཤུམ་འབྱིན་མཁན་གང་དེར་དབང་སྙམ།
ང་ཚོ་སྲིད་པའི་ཁམས་སུ་བདག་པ་ནང་བཞིན།
༢
གཅིག་དགུ་རེ་དྲུག་གི་ཁངས་བཞུས་ནས།
ཤང་ཤང་འབབ་པའི་གངས་ཆུ། རྫུ་འཕྲུལ་གྱིས་གཉིད་བཀུག་པ་ནང་བཞིན།
གཙང་བོ། གདོང་འབག་འོག་ཏུ་ཆུ་འོད་ཆེམ་ཆེམ། ལྕགས་སྙིགས་ཀྱི་དུར་ཁྲོད་ཁུར་སོང་།
ང་ནི། ལྕགས་ཟམ་གྱི་སྐྱོར་མར་འཇུས་ནས་བསྡད།
ཆུ་ཟམ། ལྕགས་བྱ་ཆེན་པོ་ཞིག་སྟེ། འཆི་བར་གཤོག་པ་བརྐྱངས་འདུག
༣
མཇུག་བསྡོགས་རོལ་དབྱངས།
སྲིད་པའི་མཐིལ་ནས། ང་ནི་ལྕགས་ཀྱུར་ཚུད་ནས་དྲུད་སོང་ལ། མི་དགོས་པ་དང་མི་མཁོ་བ་དག འཇུ་བཟུང་ཐེབས་སོང་།
འུ་ཐུག་གི་ཁྲོ་སྡང་། གཞི་མཐུན་གྱི་མེ་ཚག
གཤེད་མས་རྡོ་བ་སྤུངས། འཇིག་རྟེན་བྱེད་པོ་བྱེ་མར་བྲིས།
ཁ་མི་གྲགས་པའི་ཁང་མིག་ཏུ། ནང་ཆས་དག་ཟླ་ངོགས་སུ་འགྲེང་སྟེ། འཕུར་གྲབས་འདུག
ལག་སྟོང་གི་ནགས་ཚལ་བརྒལ་ནས། ངས་ནི། ག་ལེར་རང་གི་འབྱུང་ཁམས་ཉུལ།
No comments:
Post a Comment