སློབ་གསོའི་ཐན་པ་བྱུང་བའི་ངེད་ཀྱི་ཡུལ།
ལུག་རྫི།
༡༽ ཕྱི་ཚུལ་རིང་ལུགས་པ།
ངེད་ཀྱི་ཡུལ་ཚོའི་སློབ་སྤྱི་ན་རེ། ཁང་རྙིང་བཤིག་ཤུལ་དུ་ཁང་བརྩེགས་བཞེངས་ཤིང་དགེ་རྒན་ཇེ་མང་སོང་བ་ལ་སློབ་གསོ་འཕེལ་རྒྱས་བྱུང་ཞེས་རང་གིས་འཇོན་མདོག་ཁ་པོས་ཁྱབ་བསྒྲགས་བྱེད།
༢༽ ཡིག་རྨོངས་པ་གསོ་སྐྱོང་གི་ལས་གཞི།
དགེ་རྒན་དག་གི་སློབ་གསོའི་དམིགས་ཡུལ་ནི། བྱིས་པ་དག་རྒྱ་ནག་ལ་སྐྱེལ་རྒྱུ་དེའོ།། ཡུལ་ཚོ་གང་ནས་རྒྱུགས་འཕྲོད་པ་མང་ན། དེའི་སློབ་གསོ་ཡང་དག་ཏུ་སོང་ཡོད་ཚུལ་གྱིས། རང་གི་བྱས་རྗེས་སྒྲོག་ཞོར། ཁྲིད་ཐབས་མིག་དཔེར་འཛིན་དགོས་ཚུལ་གྱི་ཁ་ཕོ་ཡང་འཐེན།
༣༽ རྒྱུན་འཛིན་པའི་ལྕེ་ལེབ་གཅོད་ཚུལ།
རྒྱ་ཡིག་ཀློག་དུས་ཤ་ར་མ་ར་ལྷུང་ལྷུང་ཆུ་བོའི་འགྲོས་དང་མཚུངས་ལ། སྐད་ཡིག་ཀློག་དུས་དྲ་བ་ནང་བཞིན་ཅི་ཞིག་ནས་ཁེགས་ཏེ་གང་ཞིག་ནས་འཆད་འགྲོ།
༤༽ ནེ་ཙོའི་འཇིག་རྟེན་དུ་ལྷུང་ཚུལ།
སློབ་མ་ཕལ་ཆེར་ལོ་རིམ་གཉིས་པ་ནས་རྒྱ་ཡིག་ཀློག་ལ་བྱང་འགྲོ། འོན་ཏེ་ལོ་རིམ་ལྔ་བར་སླེབས་རུང་སྐད་ཡིག་དགེ་རྒན་གྱིས་ད་དུང་ཀློག་སྟངས་ཁྲིད་ཅིང་བསྡད་འདུག ལོ་བཞི་ལྔར་ཡང་སྙིང་ཅི་ཞིག་སྦྱངས། ཀློག་མི་ཤེས་པ་བཅུ་གྲངས་ཀྱིས་མི་ཚད་ལ། ཀློག་དག་མོ་ཤེས་མཁན་ཡང་དཀོན།
༥༽ མུན་ཁྲོད་དུ་ཁྲིད་པའི་ལམ་སྟོན་པ།
དགེན་རང་གིས་མ་མཁྱེན་པར་འཕྲད་ཚེ་སྒྲ་ལོག་བཏོན་ཏེ་འགག་འཕྲང་ལས་གང་མྱུར་གྱིས་ཆས་འགྲོ། སྐད་གཉིས་སྨྲ་བ། ལྟ་བུ་གཅོད་མཚམས་ལའང་རྨོངས། ངོ་མ་ཞེ་རེ་ཆད།
༦༽ དབང་སྒྱུར་བས་བྲན་གཡོག་གཅུན་ལུགས།
དགེ་རྒན་དག་ནི་ཕལ་ཆེར་ཆང་རྐྱལ་དང་དུ་འཐེན་དུ་ངེས་ལ། རང་གི་མཛུབ་ཧྲག་ཏུ་དུ་སྣེ་བཙིར་ཏེ་བྱིས་པའི་མདུན་ནས་སྐད་ཆ་རྫིག་པོ་རེ་བཤད་དེ་རང་གིས་ལས་བཞིན་པ་དེ་དག ཁོ་ཚོར་ལས་མི་རུང་བའི་ཁ་ཏ་བསླབ་བྱ་གཏོང་། དགོད་རེ་བྲོ།
No comments:
Post a Comment