མི་ཞིག་གནམ་ས་འདྲེས་མཚམས་སུ་རྒྱུག་ཤར་གློད་ཀྱིན་འདུག I གསར།

ངས་མི་ཞིག་གནམ་ས་འདྲེས་མཚམས་སུ་རྒྱུག་གིན་པ་མཐོང་བྱུང་།

『རྩོམ་མཁན་ཁི་རན། སྒྱུར་མཁན་ན་བུན།』

ངས་མི་ཞིག་མཐོང་བྱུང་། ཁོས་གནམ་ས་འདྲེས་མཚམས་སུ་རྒྱུག་ཤར་གློད་ཀྱིན་འདུག 

ཡང་ནས་བསྐྱར་དུ་ཁོ་སྐོར་རྒྱུག་བྱས་པས།

ང་ལ་སུན་སྣང་བཟོས་སོང་། 

ངས་མི་དེར་འཚམ་འདྲི་ཞིག་བྱས་ནས། 

“སྙིང་བོ་འདུག་གམ།” དྲིས་པར།

“ཁྱོས་དེ་ཙམ་ཡང་མི་ནུས་སོ།།”

“ཁྱོས་རྫུན་སྨྲས་སོང་” ཞེས་བཤད་ཞོར། 

ཁོས་མུ་མཐུད་དུ་རྒྱུག་ཤར་གློད་སོང་།

རྒྱབ་ལྗོངས་སྙིང་བསྡུས། 

སྙན་རྩོམ་འདི་ཡིད་བརྙན་རིང་ལུགས་ཀྱི་རྩོམ་ཐབས་སྤྱད་ནས། “འཚོལ་སྙེག་ལ་དམིགས་འབེན་མེད་ན། སྟོང་དབྱིངས་ན་བྲག་རྡོ་དབེན་”ཞེས་པ་ལྟར། དབང་སྲིད་ཀྱི་གཉའ་ཤིང་འོག་ཏུ་ཡིད་མི་ཞུམ་རུས་མི་ཆག་པར། རང་དབང་གི་བློ་གཤོག་བརྐྱངས་ནས། རང་ཉིད་ཀྱི་བསམ་གཞིག་གི་རང་ཚུགས་ལ་འཇུག་ཅིང་བརྩོན་པར་གདམས། 

བྱེ་གསེང་ནས།

བྱེ་གསེང་ནས། 

ངས་སྲོག་ཆགས་ཤིག་མཐོང་། གཅེར་བུར། གདུག་རྩུབ་ཀྱིས།

ཁོ་ས་ལ་ཙོག་སྟེ། 

རང་གི་སྙིང་ལག་པར་བཟུང་ནས། 

ཟས་སོང་། 

ངས། “གྲོགས་པོ། ཞིམ་པོ་འདུག་གམ་” ཞེས་དྲིས།

ལན་དུ་ཁོས། “ཁ་མོ་འདུག ཁ་མོ་འདུག་” ཅེས་སྨྲས་པ། 

“ཡིན་ཀྱང་། ང་འདི་ལ་དགའ་བོ་ཡོད།

འདི་ཁ་མོ་ཡིན་པས་དང་། 

འདི་ང་ཡི་སྙིང་ཡིན་པས་སོ།།”

རྒྱབ་ལྗོངས་སྙིང་བསྡུས། 

སྙན་རྩོམ་འདི་ཡིད་གཟུགས་དང་མཚོན་རྟགས་ལུགས་ཀྱི་འབྲི་ཐབས་ཟུང་དུ་སྦྲེལ་ནས། མྱིའི་གཤིས་དང་རྒྱུད་ཀྱི་སྨྱོ་ཧམ་རང་བཞིན་དེས་ནི། ནམ་ཉི་མ་ཞིག་ལ་མྱི་རང་ཉིད་འཕུང་བའི་བགེགས་དང་རྐྱེན་དུ་འགྱུར་བར་གདམས།

༼ 1

I saw a man pursuing the horizon 

by Stephen Crane

I saw a man pursuing the horizon;

Round and round they sped.

I was disturbed at this;

I accosted the man.

"It is futile," I said,

"You can never—"

"You lie," he cried,

And ran on.

༼ 2

In the desert 

by Stephen Crane 

In the desert

I saw a creature, naked, bestial,

Who, squatting upon the ground,

Held his heart in his hands,

And ate of it.

I said, “Is it good, friend?”

“It is bitter—bitter,” he answered;

“But I like it

“Because it is bitter,

“And because it is my heart.”

རྩོམ་པ་པོའི་ལོ་རྒྱུས་སྙིང་བསྡུས།

སི་ཊེ་ཧྥིན་ཁི་རན་(Stephen Crane 1871-1900)ཨ་རིའི་ནེའུ་ཡོག་གྲོང་ཁྱེར་དུ་འཚར་ལོངས་བྱུང་། སྤུན་མཆེད་བཅུ་བཞིའི་གྲས་ཀྱི་ཐ་ཆུང་བ་ཡིན་ཞིང་། ལོ་ན་ཕྲ་སྐབས་ནས་ཡུལ་དུས་ཀྱི་དམག་འཁྲུག་དང་ཁྱིམ་ཚང་གི་གོད་ཆག་ཁྲོད་ལུས་སེམས་གཉིས་ཀྱི་དཀའ་སྡུག་ཚད་མེད་མྱངས། དེར་མ་ཟད། བདག་མེད་འབྱོར་མེད་ཀྱི་འཚོ་གནས་ཐེབས་ཆག་ཅིག་ནས། ལྷན་སྐྱེས་ཀྱི་མོས་ཕྱོགས་དང་བསྟུན་ནས། གོམ་པ་རིམ་སྤོས་ཀྱིས་སྒྱུ་རྩལ་རྩོམ་རིག་གི་ལམ་དུ་ཞུགས་ཤིང་། རང་ལོ་༢༠ སྟེང་ནས་སྙན་ངག་དང་རྟོག་སྒྲུང་གསར་རྩོམ་གནང་སྟེ་མིང་དུ་གྲགས། སྔ་རྗེས་སུ་སྤྱི་ཚོགས་དཔྱད་རྩོམ་དང་གཡུལ་སའི་གསར་འགོད། རི་མོ་འབྲི་སྦྱོང་གི་ཕྱག་ལས་གནང་།

མིང་དུ་གྲགས་པའི་འཐུས་ཚབ་སྙན་ངག་༼རང་མོས།༽<<ངས་མི་ཞིག་མཐོང་བྱུང་། ཁོས་གནམ་ས་འདྲེས་མཚམས་སུ་རྒྱུག་ཤར་གློད་ཀྱིན་འདུག་>>(I saw a man pursuing the horizon) དང་། <<བྱེ་གསེང་ནས།>>(In the Desert) <<མྱི་ཞིག་གིས་འཇིག་རྟེན་ལ་སྨྲས་པ།>>(A Man Said to the Universe) <<དམག་འཁྲུག་དྲིན་ཆེ། མ་ངུ་རོགས། སྨན་ཤར་ལགས། དམག་འཁྲུག་དྲེན་ཆེ་>>(from War is Kind “Do not weep, maiden, for war is kind”) བཅས་དང་། འཐུས་ཚབ་སྒྲུང་རྩོམ་༼དངོས་ཡོད་རིང་ལུགས།༽<<མཱེ་གྷེ། སྲང་ལམ་གྱི་བུ་མོ།>>(Maggie: A Girl of the Streets) <<སྙིང་སྟོབས་ཀྱི་དཔུང་རྟགས་དམར་པོ་>>(The Red Badge of Courage)སོགས་འདུག