『 རྩོམ་མཁན་མ་ཡ་ཨན་གྷི་ལཱོ། ལོ་ཙཱ་བ་ན་བུན། 』
ཉི་འོད་འཚེར། ན་བུན་དྭངས།
ང་ཚོ་རྒྱ་རིང་ཕ་ཡུལ་ལ་ལོག་པའི་རི་ལམ་མཐོང་།
ཕ་ཡུལ།
ང་ནམ་ཡང་ཁྱེད་ལ་དབང་།
ཕ་ཡུལ།
ཁྱོད་ནམ་ཡང་ང་ལ་དབང་།
དུས་ཀྱི་ཕྱི་ནང་ནས།
འུ་གཉིས་ཕན་ཚུན་ལ་དུངས།
རྡོ་བ་ཐོག་མ།
དྲག་ཏུ་འབར་བའི་ཉི་མར་གཟིགས།
ལྗོན་པ་ཐོག་མ།
ཤིང་ནགས་མཐིལ་དུ་ཤེད་ཀྱིས་འཕགས།
སྔར་བས། ང་ཁྱོད་ལ་དུངས།
ཁྱེད་ཀྱིས།
རང་ཉིད་ཀྱི་འཆིང་སྒྲོག་བཀྲོལ་ཏེ།
ལྗང་ལོར།
བསིལ་རླུང་ལྡང་དུ་བཅུག
དེ་ནི་གཡུ་སྦྲང་གི་གཤོག་སྒྲ་འདྲ་བྱུང་།
ང་རང་།
གཡུ་སྦྲང་གི་མངའ་ཐང་དུ་སླེབས་སོང་།
ཀྱེ་ཀྱེ་་་།
བདག་ནི་ཁྱོད་ཀྱི་ལྗང་ལོར་ཇི་འདྲ་དུངས་ཨང་།
ཁྱོད་ཀྱིས།
བདག་གི་དུས་དང་བབ་ཀྱི་མནར་གཅོད་དང་།
ཕམ་ཁ། རྨ་ཁ། བར་ཆད་མཐོང་།
དངངས་སྐྲག
རྨི་ལམ་བསྒྱུར་ཆེད།
བདག་གིས་དག་ཞིང་ལ་འབོད་པ་བཏང་།
སྐད་གསང་མཐོན་པོས་འབོད་པ་བཏང་།
ཉི་འོད་འཚེར། མུན་པ་སངས།
ང་ཚོ། རྒྱ་རིང་ཕ་ཡུལ་ལ་ལོག་པའི་རི་ལམ་མཐོང་།
ཕ་ཡུལ།
ང་ནམ་ཡང་ཁྱེད་ལ་དབང་།
ཕ་ཡུལ།
ཁྱོད་ནམ་ཡང་ང་ལ་དབང་།
དུས་ཀྱི་ཕྱི་ནང་ནས།
འུ་གཉིས་ཕན་ཚུན་ལ་དུངས།
ཕྱི་དང་ནང་།
དུས་ཀྱི་ཕྱི་ནང་།
No comments:
Post a Comment