『ན་བུན་གྱིས་སྒྱུར་སྒྲིག་བྱས།』
འགྲོ་བ་མིའི་ཐོབ་ཐང་ནི་དམངས་གཙོ་དང་ཁྲིམས་སྐྱོང་སྤྱི་ཚོགས་ཚུགས་པའི་རྩ་འཛིན་གྱི་རྨང་རྡོ་ལྟ་བུ་ཡིན། འདས་པའི་ལོ་ངོ་བཅུ་ཕྲག་རིང་དམངས་གཙོ་དང་འགྲོ་བ་མིའི་ཐོབ་ཐང་གཉིས་དབར་གྱི་འབྲེལ་བར་ཞིབ་འཇུག་གཏིང་ཟབ་གནང་བ་རེད། དམངས་གཙོ་ནི་ཆབ་སྲིད་ཀྱི་དབང་ཆ་ལོངས་སུ་སྤྱོད་པའི་འགྲོ་ལུགས་གཅིག་པུ་ཙམ་མ་ཡིན་པར། ད་དུང་འགྲོ་བ་མིའི་ཆེས་མཐོང་ལ་སྲུང་སྐྱོབ་དང་ཡར་རྒྱས་གཏོང་ཐབས་འགྲོ་བ་མིའི་ཐོབ་ཐང་ཁག་དང་འབྲེལ་བ་དམ་ཟབ་ཡོད།
དམངས་གཙོ་ལོངས་སུ་སྤྱོད་སྐབས། དམངས་གཙོའི་སྲོག་ཤིང་གི་རིན་ཐང་ལྟ་བ་ནི་ཡོངས་ཁྱབ་རང་བཞིན་ཡིན་ནའང་། ཡུལ་ལུང་སོ་སོའི་གནས་བབ་ལ་འབབ་པའི་དམངས་གཙོ་ལོངས་སུ་སྤྱོད་སྟངས་འདྲ་ཡི་ཡོད་པ་མ་རེད། དམངས་གཙོའི་སྲོག་ཤིང་གི་རིན་ཐང་ལྟ་བའི་ནང་དུ་རྒྱལ་སྤྱིའི་འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་དང་། སྤྱི་མང་དང་ཆབ་སྲིད་ཐོབ་ཐང་ཐད་ཀྱི་རྒྱལ་སྤྱིའི་སྤྱི་ཆིངས་ཁག་གཞིར་བཟུང་ཡོད།
འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་དང་རྒྱལ་སྤྱིའི་སྤྱི་ཆིངས་གཉིས་ཀྱི་ནང་དུ་དམངས་གཙོའི་ལམ་ལུགས་ལ་བརྟེན་ནས་འགྲོ་བ་མིའི་ཐོབ་ཐང་ཁག་ལ་སྲུང་སྐྱོབ་དང་ཡར་རྒྱས་གཏོང་དགོས་པ་དང་། དམངས་གཙོ་ནི་རྒྱལ་སྤྱིའི་སྤྱི་ཆིངས་དང་འགྲོ་བ་མིའི་ཐོབ་ཐང་ཁག་གཞིར་བཟུང་ནས་ཚུགས་དགོས་པ་དང་། དེའི་ནང་དུ་སྨྲ་བརྗོད་རང་དབང་དང་འདུ་འཛོམ་རང་དབང་། ཚོགས་འབྲེལ་རང་དབང་གི་ཐོབ་ཐང་། དེ་བཞིན་ཆབ་སྲིད་དང་ལས་དོན་ཐག་གཅོད་ཀྱི་ལས་རིམ། དྲང་བདེན་དང་ཡང་དག་པའི་ཁྲིམས་བཤེར། འགྲོ་བ་མིའི་ཐོབ་ཐང་རྡོལ་རོལ་གྱི་དཀའ་ངལ་སེལ་ཐབས་སོགས་ལ་འཇུག་པའི་ཐོབ་ཐང་ཁག་ཚུད་ཡོད།
དེར་མ་ཟད། དམངས་གཙོའི་གཞུང་དེ་ཡང་སྲབ་བརྟན་རང་བཞིན་དང་ཕྱི་གསལ་ནང་གསལ། ལས་དོན་ཆེ་ཆུང་ཅི་འདྲ་ཞིག་ཡིན་རུང་གཞུང་གིས་དེ་དོན་མི་མང་ལ་གསལ་བཤད་ཀྱི་འགན་འཁུར་བ། མི་མང་གི་མངོན་འདོད་གཞིར་བཟུང་ནས་ལས་དོན་ཐག་གཅོད་པ་དང་། ཁྲིམས་སྐྱོང་གི་དམངས་གཙོའི་གཞུང་དེས་འགྲོ་བ་མིའི་ཐོབ་ཐང་ཁག་ལ་བརྩི་དཀུར་གནང་བ་ཞིག་དགོས་ཀྱི་ཡོད་པ་རེད།
མི་མང་གི་འོས་འདེམ་བརྒྱུད་ནས་ཚུགས་པའི་གྲོས་ཚོགས་གང་དེས་མི་མང་གི་ཆེད་དུ་མི་མང་གིས་བཙུགས་པའི་གཞུང་གང་དེ་ངེས་བརྟན་དང་སྲ་བརྟན་བཟོ་བ་དང་། གྲོས་ཚོགས་ནི་དམངས་གཙོའི་ལམ་ལུགས་ཁྲོད་ཀྱི་སྒྲིག་འཛུགས་གཙོ་བོ་ཞིག་ཡིན།
ནུས་སྟོབས་ལྡན་པའི་གྲོས་ཚོགས་གང་དེས་བཅའ་ཁྲིམས་གཏན་འབེབས་དང་འཛིན་སྐྱོང་བཀའ་ཤག་གི་སྲིད་བྱུས་དང་ལག་བསྟར་གནང་ཕྱོགས་ལ་ལྟ་ཞིབ། དེ་བཞིན་དུ་འགྲོ་བ་མིའི་ཐོབ་ཐང་ལ་སྲུང་སྐྱོབ་དང་ཡར་རྒྱས་གཏོང་བ་བཅས་ཀྱི་ཐད་ལའང་ཕྱག་ལས་གནང་གི་ཡོད།
དེ་ཡང་མ་ཟད་ད་དུང་རྒྱལ་ཁབ་ཁྲིམས་ཀྱིས་སྐྱོང་ཐབས་ཀྱི་ཁྲིམས་ཀྱི་སྒྲོམ་གཞི་གཏན་འབེབས་བཟོ་བ་དང་། ཁྲིམས་སྐྱོང་ནི་དམངས་གཙོ་དང་འགྲོ་བ་མིའི་ཐོབ་ཐང་ལ་སྲུང་སྐྱོབ་ཡོང་ཐབས་ཀྱི་རྨང་རྡོ་ལྟ་བུ་ཡིན་པ་རེད། རྒྱུ་མཚན་དེའི་དབང་གིས། གྲོས་ཚོགས་ནི་འགྲོ་བ་མིའི་ཐོབ་ཐང་དང་དམངས་གཙོའི་གནད་འགག་ཅིག་ཆགས་བསྡད་ཡོད་པ་རེད།
ཟུར་མཆན། འདི་ག་ལྟེ་གནས་ཁང་གི་<<དམངས་གཙོའི་ལག་དེབ་>>ཀྱི་ཚན་བཤུས།
No comments:
Post a Comment