བྱང་སྐར་གྱིས་བསྒྱུར།
བརྒྱ་ལོ་བཅུ་བདུན་པའི་སྐབས་སུ། དབྱིན་ཇིིའི་བསམ་བློ་བ་ཇོན་ལོ་ཀ་ཡིས་འདི་སྐད་དུ། ཇི་ལྟར་དབང་ཆ་སྒེར་ལ་བདག་མི་རུང་བ་དེ་ལྟར་དུ། རྒྱུ་ནོར་(ནམ་ཡང་)སྤྱི་ལ་བདག་མི་རུང་ངོ་། །ཞེས་སྨྲས་ཡོད། (རྒྱུ་མཚན་ནི)། དེ་ལས་གཞན་དུ་ན། འགྲོ་བ་མིའི་རིགས་སྡུག་བསྔལ་གྱི་གནས་སུ་ལྷུང་ངེས་ཅན་ཡིན་(པས་སོ)།།
(དམངས་གཙོའི་མང་མོས་ལས་བྱུང་བའི་)ཁྲིམས་ཀྱིས་བཀག་པ་ཕུད། སྐྱེས་བུ་སྒེར་གྱིས་བསྒྲུབ་མི་ཆོག་པའི་ལས་ཤིག་གཡར་ཡང་མེད་ཅིང་།
དེ་བཞིན་དུ། ཁྲིམས་དེས་གནང་བ་ཕུད། སྲིད་གཞུང་གིས་བསྒྲུབ་མི་ཆོག་པའི་ལས་ཤིག་གཞར་ཡང་མེད་དོ།།
(དེ་བས་ན)། ཁྲིམས་ཀྱི་དབང་སྒྱུར་ནི།
སྤྱི་དམངས་ལ་རང་དབང་གང་མང་མང་ལྡན་པར་བྱེད་པ་ཞིག་དང་། སྲིད་གཞུང་ལ་དབང་ཆ་གང་ཉུང་ཉུང་ལས་མེད་པར་བྱེད་པ་ཞིག་གོ།།
དོན་ལ་གནས་པའི་ཁྲིམས་ཀྱི་དབང་སྒྱུར་སྤྱི་ཚོགས་ཤིག་ཡིན་ཚེ། སྤྱི་དམངས་ཀྱི་ཐོབ་ཐང་ལེགས་པར་སྲུང་འགེབས་ཐུབ་པ་ཞིག་དང་།
སྲིད་གཞུང་གི་དབང་ཆར་ལེགས་པར་ཚད་འཛིན་ཐུབ་པ་ཞིག་སྟེ། དེ་དག་ལས་ལྡོག་ན་ནི། ཁྲིམས་ཀྱི་དབང་སྒྱུར་གྱི་སྤྱི་ཚོགས་ཞེས་པའི་མཚན་ཉིད་མ་ཚང་བ་ཡིན།
དམངས་གཙོ་དང་སྒེར་གཅོད་དབར་གྱི་ཁྱད་པར་འདི་ཡིན།
དམངས་གཙོ་ཞེས་པ་ནི། མི་མང་གིས་སོ་སོའི་བློ་ཡིད་ཚིམ་པ་ཞིག་ཡོང་ཕྱིར། དཔོན་རིགས་ཚོགས་ཁྱུ་གཉིས་སུ་ཕྱེ་བ་ཞིག་སྟེ།
ཚུལ་དེས་དཔོན་རིགས་ཕན་ཚུན་འཐབ་ཅིང་རྩོད་དུ་འཇུག་ཅིང་། མཐའ་མཇུག་ཁེ་བཟང་རག་མཁན་མི་མང་རང་ཡིན།
སྒེར་གཅོད་ཅེས་པ་ནི། དཔོན་རིགས་ཚོས་(སོ་སོ་བློ་བ་རྫོགས་པ་ཞིག་ཡོང་ཕྱིར)། མི་མང་ཚོགས་ཁ་གཉིས་སུ་ཕྱེ་བ་ཞིག་སྟེ།
ཚུལ་དེས་མི་མང་འཐབ་ཅིང་རྩོད་དུ་འཇུག་ཅིང་། མཐའ་མཇུག་ཁེ་བཟང་རག་མཁན་དཔོན་རིགས་ཚོ་ཡིན།
No comments:
Post a Comment